Tale
Tale | |
|---|---|
Vendbanim bregdetar dhe turistik | |
 Plazhi i Tales | |
.svg.png)  Tale Vendndodhja në Shqipëri | |
| Koordinatat: 41°40′56″N 19°36′49″E / 41.68222°N 19.61361°E | |
| Shteti |  Shqipëria |
| Qarku | Lezha |
| Bashkia | Lezhë |
| Njësia administrative | Shënkoll |
| Zona kohore | UTC+1 (CET) |
| • Verë (DST) | UTC+2 (CEST) |
| Faqja zyrtare | lezha |
Tale është një lokalitet bregdetar dhe turistik në njësinë administrative Shënkoll, bashkinë Lezhë, qarkun e Lezhës, në veriperëndim të Shqipërisë.[1] Në organizimin administrativ vendor, zona përfshihet në njësinë administrative Shënkoll dhe në dokumentet zyrtare të bashkisë shfaqet me vendbanimet Tale 1 dhe Tale 2.[2]
Gjeografia
Tale ndodhet në bregdetin e Detit Adriatik, në pjesën jugore të vijës bregdetare të Bashkisë Lezhë.[3] Plazhi i Tales shtrihet nga cepi i lagunave deri në fillim të deltës së lumit Mat, me një vijë bregdetare rreth 3 km të gjatë dhe me gjerësi rëre nga 100 deri në 150 metra.[4]
Turizmi
Tale është një nga zonat turistike më të njohura të bregdetit të Lezhës.[5] Pastërtia e ujit dhe e rërës, hapësirat publike dhe afërsia me kryeqytetin kanë ndikuar në rritjen e numrit të pushuesve, sidomos gjatë fundjavave të verës.[6] Në botimin turistik të bashkisë përmendet se në periudhat kulmore plazhi mund të presë deri në 20 mijë pushues në ditë.[7]
Infrastruktura dhe zhvillimi
Në zonën e Tales janë kryer investime në infrastrukturën rrugore, përfshirë rikonstruksionin e segmenteve Tale 1–Alk dhe Tale 2–Grykë Lumi.[8] Zona bregdetare Tale–Grykë Lumi–Alk ka qenë gjithashtu pjesë e projekteve për përmirësimin e ujësjellësit dhe kanalizimeve.[9]
Demografia
Censi i vitit 2023 publikon të dhënat për njësinë administrative Shënkoll, e cila ka 9.697 banorë, 2.779 banesa të banuara dhe 2.878 njësi ekonomike familjare.[10]
Shih edhe
Referime
- ↑ "ORGANIZIMI DHE FUNKSIONIMI I BASHKISË LEZHË". Bashkia Lezhë. Marrë më 2026-04-17.
- ↑ "ORGANIZIMI DHE FUNKSIONIMI I BASHKISË LEZHË". Bashkia Lezhë. Marrë më 2026-04-17.
- ↑ "RESURSET TURISTIKE". Bashkia Lezhë. Marrë më 2026-04-17.
- ↑ "down there in the Mediterranean!" (PDF). Bashkia Lezhë. fq. 17. Marrë më 2026-04-17.
- ↑ "RESURSET TURISTIKE". Bashkia Lezhë. Marrë më 2026-04-17.
- ↑ "down there in the Mediterranean!" (PDF). Bashkia Lezhë. fq. 17. Marrë më 2026-04-17.
- ↑ "down there in the Mediterranean!" (PDF). Bashkia Lezhë. fq. 17. Marrë më 2026-04-17.
- ↑ "BASHKIA LEZHË INVESTON PËR RIKONSTRUKSIONIN E RRUGËVE NË NJËSINË ADMINISTRATIVE SHËNKOLL". Bashkia Lezhë. Marrë më 2026-04-17.
- ↑ "AGJENCIA KOMBËTARE E UJËSJELLËS-KANALIZIME DHE INFRASTRUKTURËS SË MBETJEVE DO FURNIZOJË PA NDËRPRERJE ME UJË TË PIJSHËM GJITHË ZONËN TALE-GRYKË LUMI, ALK". Bashkia Lezhë. Marrë më 2026-04-17.
- ↑ "CENSI I POPULLSISË DHE BANESAVE NË SHQIPËRI 2023: Lezhë" (PDF). INSTAT. fq. 120. Arkivuar nga origjinali (PDF) më 9 nëntor 2024. Marrë më 2026-04-17.