21. Februar

Dr 21. Februar isch dr 52. Dag vum Gregorianische Kalender, dodermit blybe no 313 (in Schaltjohr 314) Däg bis zum Änd vum Johr.

Was isch bassiert?

1695: Bim Abgang vun ere Lawine cheme 34 Mänsche im Walserdorf Dorf Guryn ums Läbe.
1907: Z Berlin wird d Oper Romeo und Julia auf dem Dorfe vum Frederick Delius urufgfiert.
1952: D Entschaidig vu dr pakischtanische Regierig, Urdu as ellainigi Amtsproch z bruche, fiert zue Widerstand z Oschtpakistan, wu fascht uusschließli Bengali gschwätzt wird. Bi re Demonschtration z Dhaka stärbe e baar Mänsche, wel d Bolizei zmitts in d Lyt schießt.
1962: Im Schauspilhuus Züri wird di grotesk Komödie Die Physiker vum Friedrich Dürrenmatt urufgfiert.
1972: US-Bresidänt Richard Nixon bsuecht d Volksrepublik China un fiert z Peking Gspräch mit em Mao Zedong.
1986: D Heavy-Metal-Band Metallica bringt s Album Master of Puppets uuse, wu as Myylestai vum Thrash Metal giltet.
1999: D UNESCO rieft dr 21. Februar zum Internationale Dag vu dr Muettersproch uus.
2008: D Sängeri Rihanna chunnt uf ihre Haimetinsle Barbados ihre aigene Fyyrtig iber, dr sognännt „Rihanna-Day“.

Commons: 21. Februar – Sammlig vo Multimediadateie