Festivali i 7-të i Filmit Shqiptar

Festivali i 7-të i Filmit Shqiptar^[1] u mbajt në Tiranë, më 14 - 18 prill 1987.

Emërtimi zyrtar: FESTIVALI I SHTATË I FILMIT ARTISTIK SHQIPTAR.

Ky festival u organizua me rastin e 40-vjetorit të Kinematografisë Shqiptare. Në këtë festival konkurruan 12 filma artistikë, prej të cilëve 1 film televiziv. Shfaqja e filmave dhe aktivitetet u organizuan në Pallatin e Kulturës, Muzeun Historik Kombëtar (MHK), Institutin e Lartë të Arteve (ILA), Teatrin e Operës dhe Baletit (TOB).

Në 40-vjetorin e Kinematografisë Shqiptare u organizuan disa aktivitete përgjatë ditëve të Festivalit:

• 

  Në vigjilje të festivalit, më 13 prill 1987, në sallën e mbledhjeve të Muzeut Historik Kombëtar u organizua: Sesion Shkencor kushtuar 40-vjetorit të Kinematografisë Shqiptare 1947-1987.^[2] Në këtë sesion shkencor referuan kineastë, shkrimtarë e kritikë arti si Abdurrahim Myftiu, Stavri Pone, Llazar Siliqi, Angjelina Xhara, Piro Milkani, Lionel Konomi, Shyqyri Sako, Vath Koreshi, Ylli Pepo, Arben Jakov Xoxa, Minella Borova.
• Përurimi i fotoekspozitës "40 Vjet Kinematografi Shqiptare" - në sallën e ekspozitave të MHK, ekspozitë vetiake të piktorit të filmit Shyqyri Sako.
• Mbrëmje Jubilare me rastin e 40-vjetorit të Kinematografisë Shqiptare - në sallën e shfaqjeve të Institutit të Lartë të Arteve (ILA).
• Koncert i mbylljes së Festivalit të shtatë të filmit artistik shqiptar - në sallën e shfaqjeve të Teatrit të Operës dhe Baletit (TOB).
• Seksioni i retrospektivës së filmit artistik - në sallën e leksioneve të Pallatit të Kulturës. Shfaqja e 17 filmave të përzgjedhur gjatë ditëve të festivalit ishin: Fëmijët e saj (1957); Tana (1958); Debatik (1961); Duel i heshtur (1966); I teti në bronz (1970); Kapedani (1972); Rrugë të bardha (1974); Në fillim të verës (1975); Lulëkuqet mbi mure (1976); Nga mesi i errësirës (1978); Gjeneral gramafoni (1978); Mësonjëtorja (1979); Koncert në vitin 1936 (1978); Ballë për ballë (1979); Njeriu i mirë (1982); Kohë e largët (1983); Dora e ngrohtë (1983).

• Festivali i Filmit Shqiptar
• Festivali i 7-të i Filmit Dokumentar dhe të Animuar Shqiptar

Fotografi nga aktivitetet e zhvilluara gjatë Festivalit të 7-të të filmit

1. ↑ Asqeri, Irini (2025). Enciklopedi e filmit shqiptar (1904-2022). Durrës: Botimet Jozef. fq. 882–883. ISBN 978-9928-940-44-5.
2. ↑ "Sesion Shkencor "40 Vjet Kinematografi Shqiptare" - (fotografi dokumentuese)". UCLA library. Marrë më 30 janar 2026.