Hashim Thaçi

Hashim Thaçi
Presidenti i Kosovës
Në detyrë
7 prill 2016 – 5 nëntor 2020
Paraprirë ngaAtifete Jahjaga
Pasuar ngaVjosa Osmani (në detyrë)
Kryeministër i Kosovës
Në detyrë
9 janar 2008 – 9 dhjetor 2014
Paraprirë ngaAgim Çeku
Pasuar ngaIsa Mustafa
Zëvendëskryeministër i Kosovës
Në detyrë
12 dhjetor 2014 – 7 prill 2016
Paraprirë ngaBehgjet Pacolli
Pasuar ngaHajredin Kuçi
Ministri i Punëve të Jashtme
Në detyrë
12 dhjetor 2014 – 7 prill 2016
Paraprirë ngaEnver Hoxhaj
Pasuar ngaPetrit Selimi (në detyrë)
Udhëheqës i Partisë Demokratike
Në detyrë
1999 – 26 shkurt 2016
Paraprirë ngaPozitë e krijuar
Pasuar ngaKadri Veseli
Të dhëna vetjake
U lind më24 prill 1968
Skënderaj, Jugosllavi(tani Kosovë)
NënshtetësiaShqiptar
Partia politikeLDK (Para vitit 1999)[1]
PDK (1999–2016)
I pavarur (2016-aktiv)
PunësimiPolitikan
Nënshkrimi

Hashim Thaçi (i lindur më: 24 prill 1968, Burojë, Skënderaj),[2][3] është një shqiptar i Kosovës i cili ishte përfaqësues politik i Ushtrisë Çlirimtare të Kosovës. Ndërkohë, ai shërbeu gjithashtu si kreu i një qeverie të përkohshme pas luftës. Ai ishte kryeministri i parë i Republikës së Kosovës, ministër i jashtëm dhe zëvendëskryeministër në kabinetin e kryesuar nga Isa Mustafa, i cili mori detyrën më 12 dhjetor 2014. ishte presidenti i 4-të dhe kryetar i Partisë Demokratike të Kosovës (PDK).

Thaçi u dënua më 16 shtator 2026 nga Dhomat e Specializuara të Kosovës në Hagë me 25 vjet burgim, pasi u shpall penalisht përgjegjës për ndalim/arrestim arbitrar, trajtim mizor, torturë dhe vrasje, si krime lufte gjatë Luftës së Kosovës. Ai u shpall i pafajshëm për akuzat për krime kundër njerëzimit.[4][5][6][7][8]

Jeta e hershme dhe arsimi

Thaçi ka studiuar filozofi dhe histori në Universitetin e Prishtinës. Në vitin 1993, ai jetonte në Zvicër, ku u bashkua me grupin e emigrantëve politikë shqiptarë. Ai regjistroi për studime pasuniversitare në Universitetin e Zyrihut në departamentet e historisë dhe marrëdhënieve ndërkombëtare dhe më vonë u largua.[9][10]

Aktiviteti politiko dhe ushtarak

Pas diplomimit Hashim Thaçi filloi të merret në mënyrë aktive me organizimin e lëvizjes studentore për shpalljen e pakënaqësisë me pushtetmbajtësit e asaj kohe. Nga ilegaliteti kaloi në Zvicër ku vazhdon më tej veprimtarin e tij kundër okupimit serb në Kosovë si dhe studimet Postdiplomatike në Univeritetin e Cyrihut. Në Zvicër, Hashim Thaçi antarësohet në Lëvizjen Popullore të Kosovës, organizatë politike e cila mori vendimin për themelimin e UÇK-së. Si i dërguar nga LPK-ja, Hashim Thaçi, u angazhua në krijimin e lidhjeve me grupet e armatosura që asokohe vepronin në Drenicë të kryesuara nga Adem dhe Hamëz Jashari. Kështu ai disa herë hyn në Kosovë ilegalisht dhe vendos lidhjet me grupin e armatosur, nga bërthama e të cilit më vonë do të krijohet Shtabi i Zonës Operative të Drenicës në kuadër të UÇK-së. Pas themelimit të UÇK-së, policia serbe dështon në përpjekjet për ta burgosur më 1993. Ne kete periudhe ai eshte ndjekur nga policia serbe bashke me shokun e tij Xhelalin Alias Xhelen.

Gjatë kësaj periudhe sa ishte në Perëndim, Thaçi shpesh herë u kthye ilegalisht në Kosovë, për t’i forcuar formacionet e UÇK-së në terren. Në vitin 1997, Hashim Thaçi mori pjesë në një nga aksionet e UÇK-së, para shfaqjes së saj publike ku së bashku me Adem Jasharin dhe të tjerë, sulmojnë stacionin policor të Drenasit. Për këtë shkak, Thaçi dënohet 10 vjet burg në mungesë nga Gjykata e Qarkut në Prishtinë. I dënuar në të njëjtin proces nga kjo gjykatë me 20 vite burg, ishte dheAdem Jashari.

Lufta e Kosovës

Hashim Thaçi ishte drejtues politik i Ushtrisë Çlirimtare të Kosovës. Këtë post ia besoi Shtabi i Përgjithshëm i UÇK-së. Postin e mbajti deri më 19 shtator 1999, kur UÇK-ja u transformua në TMK.

Gjatë Konferencës Ndërkombëtare për Kosovën, të mbajtur në Rambuje të Francës, nga 6 deri më 22 shkurt 1999, Hashim Thaçi ishte Kryesues i Delegacionit të Kosovës. Konferenca përfundoi në Paris më 18 mars 1999, ku pas nënshkrimit të palës shqiptare, iu hap rruga intervenimit ushtarak të NATO-s për Kosovën.

Në mars 1999 Hashim Thaçi ishte kryeministër i qeverisë së përkohshme të Kosovës (qeveria e unitetit).

Pas Luftës së Kosovës

Pas luftës, si Kryeministër i Qeverisë së Përkohshme të Kosovës, Hashim Thaçi udhëhoqi negociatat me faktorin ndërkombëtar dhe është nënshkrues i Marrëveshjes për Transformimin e UÇK-së në Trupat Mbrojtëse të Kosovës (TMK).

Me fillimin e punës së Këshillit të Përkohshëm Administrativ (KPA), si strukturë e përbashkët qeverisëse me misionin e OKB-së në Kosovë (UNMIK), ishte anëtar i këtij Këshilli prej janarit 2000, deri në zgjedhjet e para parlamentare 2001.

Në tetor të vitit 1999 së bashku më bashkëmendimtarët e tij të LPK-së, e themeloi Partinë e Progresit Demokratik të Kosovës (PPDK), ndërsa në Kuvendin e Parë Zgjedhor (2000), Hashim Thaçi zgjidhet kryetar i Partisë Demokratike të Kosovës, (PDK). Hashim Thaçi u rizgjodh kryetar i PDK-së edhe në Kuvendin e Dytë (2002) dhe të Tretë Zgjedhor (2005).

Në tri legjislatura të Kuvendit të Kosovës është zgjedhur deputet. Është lideri politik me numër më të madh të votave në zgjedhjet parlamentare të viteve 2007 dhe 2010 në Kosovë.

Prej vitit 1999, Hashim Thaçi ka afirmuar dhe mbrojtur çështjen e Kosovës me shumë ligjërata dhe fjalime, në dhjetëra universitete dhe institute prestigjioze të vendeve Perëndimore. Në shtypin vendor, rajonal dhe atë ndërkombëtar ka botuar shkrime dhe artikuj të shumtë.

Gjatë procesit negociator (2005 – 2007), të udhëhequr nga i Dërguari i Posaçëm i OKB-së, Presidenti Martti Ahtisaari, Hashim Thaçi ishte anëtar i Ekipit të Unitetit. Dokumenti i Ahtisaarit rezultoi me propozimin gjithpërfshirës për Pavarësinë e Kosovës.

Zgjedhja kryeministër dhe shpallja e pavarësisë

Pas fitores së Partisë Demokratike të Kosovës në zgjedhjet parlamentare të 17 nëntorit 2007, Hashim Thaçi u zgjodh Kryeministër i Qeverisë së Kosovës, më 9 janar 2008. Me 17 shkurt 2008, Kryeministri Hashim Thaçi në Kuvendin e Kosovës lexoi deklaratën e pavarësisë, ndërsa pas votimit nga ana e deputetëve të deklaratës, Kryetari i kuvendit e shpalli Kosovën shtet të pavarur dhe demokratik, ku më pas të gjithë deputetët prezent e nënshkruan Deklaratën e Pavarësisë. Në zgjedhjet e parakohshme të mbajtura në Kosovë më 12 dhjetor 2011 fitoi PDK-ja në krye me Hashim Thaçin dhe përsëri u rizgjodh kryeministër për mandatin 2011-2014.

Si president i Kosovës

Thaçi u zgjodh President i Kosovës në shkurt të vitit 2016, dhe mori detyrën më 7 prill 2016.[11]

Gjatë presidencës së tij Thaçi ishe pro ratfikimit të demarkacionit me Malin e Zi.[12] Ratfikim ky i cili nuk ishte pa pasoja për banorët si rezultat Kosova humbi territor sipas ekspertëve[13] dhe në vitin 2020 në pikën kufitare në Qakorr dhe ne fshatin Llukë forcat malazeze kanë dëbuar banorët nga vendbanimet.[14][15]

Në vitin 2020 ish-këshilltari për Siguri Kombëtare i Presidentit amerikan Donald Trump, John Bolton, tha se presidenti i Kosovës Hashim Thaçi dhe ai i Serbisë Aleksandar Vuçiq ishin ideatorët për shkëmbimin e terriotereve ndërmjet Kosoves dhe Serbise që do të thotë dhënien e Veriut dhe marrjen e Luginës së Preshevës[16] Kurse për opinionin publik Thaçi është shprehur disa herë se ishte pro bashkimit me Luginën e Preshevës dhe kundër ndarjes dhe shkëmbimit të territoreve.[17]

Referime

  1. ↑ https://www.gazetaexpress.com/lajme/vitin-1992-thaci-ne-konference-me-aktivistet-e-ldk-se-141495?archive=1 Arkivuar 31 gusht 2017 tek Wayback Machine Gazeta Express, "Vitin 1992: Thaçi në konferencë me aktivistët e LDK-së" 2015-11-01
  2. ↑ Arkivuar 4 mars 2016 tek Wayback Machine"CRIMINAL CHARGES FILED AGAINST TACI {sic}, SEJDIU, KRASNICI" Arkivuar 4 mars 2016 tek Wayback Machine.
  3. ↑ "Dosije Hašima Tačija".(Dosja Hashim Taçi (sërbisht ) Pecat. 23 dhjetor 2010.
  4. ↑ "Summary of Trial Judgment in Specialist Prosecutor v. Hashim Thaҫi, Kadri Veseli, Rexhep Selimi, and Jakup Krasniqi (KSC-BC-2020-06)" (PDF) (në anglisht).
  5. ↑ "Dënohen ish-krerët e UÇK-së". Raporto Korrupsionin! KALLXO.com. Marrë më 2026-09-16.
  6. ↑ "Thaçi e Krasniqi dënohen me nga 25 vjet burg, Veseli 18 vjet e Selimi 13 vjet".
  7. ↑ "Katërshja e UÇK-së dënohet me 81 vjet burgim". Lajmet e fundit - Zëri. 2026-09-16. Marrë më 2026-09-16.
  8. ↑ Tela, Valona. "Thaçi dhe Krasniqi dënohen me nga 25 vjet burgim për krime lufte, Veseli me 18, Selimi me 13". Radio Evropa e Lirë. Marrë më 2026-09-16.
  9. ↑ "A e ka kryer fakultetin në Zvicër Hashim Thaçi?
  10. ↑ "Thaçi nuk është themeluesi i UÇK dhe nuk ka diplomë nga Universiteti i Zyrihut" Arkivuar 2 tetor 2020 tek Wayback Machine "Kopje e arkivuar". Arkivuar nga origjinali më 2 tetor 2020. Marrë më 18 tetor 2022. {{cite web}}: Mungon ose është bosh parametri |language= (Ndihmë!)Mirëmbajtja CS1: Archived copy si titull (lidhja).
  11. ↑ Delauney, Guy (8 prill 2016). "Kosovo's Hashim Thaci: From guerrilla leader to president". BBC News (në anglisht). Marrë më 25 qershor 2020.
  12. ↑ https://www.trt.net.tr/shqip/ballkani/2018/01/09/kosove-presidenti-thaci-kerkon-ratifikimin-e-demarkacionit-me-malin-e-zi-884675
  13. ↑ "Kopje e arkivuar". Arkivuar nga origjinali më 21 korrik 2020. Marrë më 21 korrik 2020.{{cite web}}: Mirëmbajtja CS1: Archived copy si titull (lidhja)
  14. ↑ "Kopje e arkivuar". Arkivuar nga origjinali më 21 korrik 2020. Marrë më 21 korrik 2020.{{cite web}}: Mirëmbajtja CS1: Archived copy si titull (lidhja)
  15. ↑ https://telegrafi.com/lajci-forcat-malazeze-po-debojne-banoret-e-fshatit-lluke-pasojat-e-demarkacionit-kane-filluar/
  16. ↑ https://abcnews.al/bolton-ideja-e-shkembimit-te-territoreve-erdhi-nga-thaci-e-vucic/
  17. ↑ https://www.trt.net.tr/shqip/ballkani/2018/08/28/kosove-thaci-po-bashkimit-me-luginen-jo-ndarjes-dhe-shkembimit-te-territoreve-1039276
This page is issued from Wikipedia. The text is available under Creative Commons Attribution-Share Alike 4.0 unless otherwise noted. Additional terms may apply for the media files.