Festivali i 6-të i Filmit Shqiptar

Festivali i 6-të i Filmit Shqiptar^[1] u mbajt në Tiranë, më 1 - 5 tetor 1985.

Emërtimi zyrtar: FESTIVALI I GJASHTË I FILMIT ARTISTIK SHQIPTAR.

Në këtë festival, për herë të parë, filmi artistik konkurron i vetëm. Filmi i animuar, i cili që prej Festivalit të 1-rë të Filmit konkurronte, si gjini, i pandarë nga filmi artistik, do t'i bashkangjitet në konkurrim filmit dokumentar, i cili, prej Festivalit të 4-t të Filmit Shqiptar, konkurron më vete nga filmi artistik dhe i animuar. Kështu, Festivali i 6-të i Filmit Dokumentar dhe të Animuar Shqiptar do të mbahej një vit më vonë, më 1986.

Festivali i 6-të i planifikuar të zhvillohej, sipas traditës, në prill, për arsye të vdekjes së Enver Hoxhës, më 11 prill 1985, u shty dhe u mbajt më 1 – 5 tetor 1985.

Në këtë festival konkurruan 13 filma artistikë, prej të cilëve 2 filma artistikë televizivë.

• Festivali i 6-të i Filmit Dokumentar dhe të Animuar Shqiptar

• Festivali i Filmit Shqiptar

AQSHF - dokumentar për Festivalin e 6-të të Filmit

1. ↑ Asqeri, Irini (2025). Enciklopedi e filmit shqiptar (1904-2022). Durrës: Botimet Jozef. fq. 877–878. ISBN 978-9928-940-44-5.