Mimoza Ahmeti

Mimoza Ahmeti (25 dhjetor 1963) është poete dhe shkrimtare shqiptare, fituese e Festivalit të Parë të Poezisë në Sanremo në vitin 1988, organizuar nga RAI. Robert Elsie e ka përshkruar atë si një "enfant terrible" (fëmijë i tmerrshëm). Mimoza është ligjëruese pasdoktorature në fushën e psikoterapisë. Ajo ka përfunduar doktoraturën me nderime në SFU Vjenë dhe studimet pasdoktorature në SFU Paris.[1]

Mimoza Ahmeti ka marrë pjesë si konkurrente në edicionin e tretë të emisionit “Ferma VIP”, një format televiziv i transmetuar në Shqipëri, ku u shpall fituese në finalen e zhvilluar më 15 qershor 2026.[2]

Vepra

Pas dy vëllimeve me poezi në fund të viteve 1980, ishte përmbledhja me 53 poezi "Delirium" që tërhoqi vëmendjen e publikut.[3] Më pas, erdhi përmbledhja poetike "Pjalmini i luleve". Ahmeti ka botuar gjerësisht dhe librat e saj janë përkthyer në italisht, frëngjisht dhe anglisht. Edhe pse është e njohur kryesisht për poezitë e saj, ajo ka shkruar edhe tregime të shkurtra dhe ka realizuar tre ekspozita me pikturat e saj. Ajo ka publikuar dy albume muzikore me këngë të vetat. Ahmeti ka drejtuar emisionin "Transculture" në RTSH nga viti 2019 deri në vitin 2022. Ajo flet anglisht dhe frëngjisht.

Disa nga veprat e saj të botuara përfshijnë:

  • Ça va Albanie?
  • L'absurde coordinatif
  • Milchkuss (roman)
  • The Tutor (roman)
  • The Stories of Civilization (tregime dhe vizatime)
  • The Book of Happiness (poezi)
  • Pjalmimi i luleve - poezi, përkthyer në bullgarisht nga Elica Velinova.[4]
  • E fshehta e rinisе sime - nëntori, Tirana, 1990 - tregime, përkthyer në gjuhën bullgare nga Iskra Cankova.[5]

Referime

  1. ↑ Elsie, Robert (2010). "Historical Dictionary of Albania" (në anglisht).
  2. ↑ Eda (2026-06-16). "Mimoza Ahmeti fiton Ferma Vip 3". Vizion Plus (në anglishte amerikane). Marrë më 2026-07-01.
  3. ↑ "Mimoza Ahmeti". albanianliterature (në anglisht).
  4. ↑ "Rusana Bejleri (Русана Бейлери) për Mimoza Ahmetin". Arkivuar nga origjinali më 29 janar 2009. Marrë më 4 shtator 2007.
  5. ↑ Ahmeti Cankova për E fshehta e rinisе sime
Ky artikull është botuar nga Wikipedia. Teksti licencohet sipar Creative Commons Attribution-Share Alike 4.0. Mbi kartelat media mund të ketë kushte shtesë.