Festivali i 9-të i Filmit Shqiptar

Festivali i 9-të i Filmit Shqiptar^[1] u mbajt në Tiranë, më 12 - 17 nëntor 1991.

Emërtimi zyrtar: FESTIVALI I NËNTË I FILMIT ARTISTIK SHQIPTAR.

Në këtë festival konkurruan 16 filma artistikë, prej të cilëve 4 filma artistikë televizivë. Festivali u organizua te Piramida. Veçantia e këtij festivali ishte se ai bashkoi dy epoka: monizmin dhe pluralizmin; filmat e tij u krijuan në epokën e parë dhe u vlerësuan festivalisht në të dytën.^[1]

(Kalendari i organizimit të përvitshëm të festivaleve, të alternuar sipas gjinive të filmit në çdo dy vjet, u ndërpre. Festivali i radhës, që duhet të ishte i 9-ti i filmit dokumentar dhe të animuar, nuk u zhvillua në 1992, sipas traditës së krijuar që me Festivalin e 4-t të Filmit, që konkurrimi i kategorisë së filmit dokumentar dhe të animuar zhvillohej një vit pas festivaleve të filmit artistik. Shkak ishte rënia e menjëhershme e prodhimit kinematografik si pasojë e ndryshimit të sistemit politiko-ekonomik në Shqipëri.)

Festivali i 9-të, ndryshe nga të mëparshmit që mbaheshin në pranverë, gjatë muajit prill, për herë të parë mbahet në vjeshtë, në nëntor. (Përjashtim bën Festivali i 6-të i Filmit Artistik Shqiptar, i planifikuar të zhvillohej, sipas traditës, në prill, por për arsye të vdekjes së Enver Hoxhës, më 11 prill 1985, u shty dhe u mbajt më 1–5 tetor 1985).

• Festivali i Filmit Shqiptar

Fotografi nga aktivitetet e zhvilluara gjatë Festivalit të 9-të të Filmit

1. 1 2 Asqeri, Irini (2025). Enciklopedi e filmit shqiptar (1904-2022). Durrës: Botimet Jozef. fq. 890–891. ISBN 978-9928-940-44-5.