Federico Bonazzoli

Federico Bonazzoli
Informacioni personal
Emri i plotë Federico Bonazzoli
Data e lindjes 21 maj 1997 (29 vjeç)
Vendi i lindjes Manerbio, Itali
Gjatësia 1.85 m (6 ft 1 in)
Pozicioni(et) Sulmues
Informacioni i ekipit
Ekipi aktual
 Cremonese
Numri 90
Karriera me të rinjtë
2001–2003 Ghedi
2003–2004 Montichiari
2004–2014 Internazionale
Karriera si profesionist*
Vitet Ekipi Ndsh (Gola)
2014–2015 Internazionale 4 (0)
2015–2022 Sampdoria 26 (6)
2015 → Internazionale (huazim) 1 (0)
2016 → Lanciano (huazim) 14 (1)
2016–2017 → Brescia (huazim) 25 (2)
2017–2018 → SPAL (huazin) 11 (0)
2018–2019 → Padova (huazim) 35 (8)
2020–2021 → Torino (huazim) 20 (2)
2021–2022 → Salernitana (huazim) 32 (10)
2022–2024 Salernitana 24 (2)
2023–2024 → Hellas Verona (huazim) 24 (3)
2024– Cremonese 59 (15)
Karriera ndërkombëtare
2012 Italia U15 9 (6)
2012 Italia U16 1 (1)
2012–2014 Italia U17 20 (8)
2013 Italia U18 2 (1)
2014–2015 Italia U19 12 (6)
2017–2018 Italia U20 6 (3)
2014–2019 Italia U21 9 (2)
* Ndeshjet dhe golat në ligën vendase të klubeve të sakta prej datës 10 maj 2016

Federico Bonazzoli (lindur më 21 maj 1997) është një futbollist profesionist italian i cili luan si sulmues me klubin italian Cremonese. Ai e ka shpenzuar të gjithë karrierën e tij në Itali, duke zhvilluar mbi 250 ndeshje në Serie A dhe Serie B. Bonazzoli gjithashtu ka luajtur 59 ndeshje me ekipet e moshave të kombëtares italiane.

Karriera me klube

Internazionale

Bonazzoli hodhi hapat e parë në futboll duke luajtur me ekipet e të rinjëve të klubeve si Ghedi dhe Montechiari përpara se t'i bashkohej akademisë së Interit në moshën 7 vjeç.[1][2][3]

Bonazzoli bëri debutimin e tij si profesionist me ekipin e parë të Interit më 4 dhjetor në fitoren 3–2 kundër Trapanit në kupë.[4] Më 18 maj 2014, ai bëri debutimin e tij në Serie A në humbjen 2–1 në transfertë kundër Chievo Veronës në ndeshjen e fundit të sezonit.[5] Kjo gjë e bëri atë debutuesin e dytë më të ri me Interin pas italianit Massimo Pellegrini, i cili kishte debutuar në dhjetor 1982.

Bonazzoli vazhdoi të ishte pjesë e ekipit për sezonin e ri 2014–15, duke u thirrur nga trajneri i ri Walter Mazzarri për dy ndeshjet play-off në Ligën e Evropës kundër islandezëve të Stjarnan si një nga tre lojtarët e ardhur nga akademia.[6] Më 6 nëntor, ai bëri debutimin e tij në kompeticion duke luajtur si titullar për 66 minuta në barazimin 1–1 kundër Saint-Étienne në fazën e grupeve.[7]

Sampdoria

Më 2 shkurt 2015, Bonazzoli u transferua te Sampdoria për 4.5 milion €.[8][9] Si pjesë e marrëveshjes, ai u rikthye te Interi në huazim deri në përfundim të sezonit.[10] Ai u aktivizua me ekipin Primavera, me të cilën fitoi Torneo di Viareggio, duke shënuar gol në finalen e fituar 2–1 kundër Veronës.[11] Ai gjithashtu u shpall lojtari i turnamentit.[11] Me ekipin e parë, Bonazzoli zhvilloi vetëm një ndeshje.

Bonazzoli u rikthye te Sampdoria për nisjen e sezonit të ri 2015–16, duke u aktivizuar në 7 ndeshje midis kampionatit, kupës dhe Ligës së Evropës.[12] Më 21 janar 2016, ai u huazua te Virtus Lanciano në Serie B deri në përfundim të sezonit me mundësi blerje përfundimtare.[13] Bonazzoli shënoi golin e parë si profesionist më 13 shkurt në fitoren 2–1 kundër Modenës.[14] Në përfundim të sezonit, Lanciano u rrëzua në Lega Pro pasi humbi ndeshjen e play-out kundër Salernitanës.[15]

Më 22 korrik 2016, Bonazzoli u huazua te Brescia për një sezon, duke vazhduar qëndrimin e tij në Serie B.[16] Ai shënoi dy gola në 25 ndeshje. Në verën e vitit 2017, Bonazzoli u rikthye te Sampdoria, duke u aktivizuar në ndeshjen hapëse të sezonit 2017–18 në Serie A para se të huazohej te SPAL po në Serie A.[17] Ai nuk gjeti hapsira me klubin e ri, duke luajtur vetëm 12 ndeshje pa shënuar.[18]

Në korrik 2018, Bonazzoli u huazua te Padova, duke u rikthyer në Serie B.[19] Më 20 tetor, ai shënoi golin e parë të sezonit në humbjen 2–1 kundër Crotones. Më 9 mars, ai shënoi dygolëshin e parë si profesionist në fitoren 2–0 në transfertë kundër Spezias. Bonazzoli e mbylli sezonin me 8 gola në 35 ndeshje, me Padovën që ra nga kategoria në javën e parafundit.

Në verën e vitit 2019, Bonazzoli u rikthye te Sampdoria, duke iu bashkuar ekipit në fazën përgatitore në Ponte di Legno. Më 25 shtator, ai shënoi golin e parë në Serie A në humbjen 2–1 kundër Fiorentinës.[20] Gjatë vazhdimit të sezonit, Bonazzoli pësoi një dëmtim që e mbajti jashtë fushave për katër muaj. Pas rikthimit nga dëmtimi dhe rifillimit të kampionatit pas ndalesës për shkak të pandemisë së COVID-19, Bonazzoli shënoi golin e dytë në kampionat në humbjen 2–1 kundër Bolonjës.[21] Pas kësaj, sulmuesi shënoi me një rrofeshatë të jashtëzakonshme në fitoren 3–1 në transfertë kundër Udineses më 12 korrik,[22][23] e cila u pasua nga një dopietë, e para në Serie A për të, në fitoren 3–0 kundër Cagliarit.[24][25] Më 19 korrik, Bonazzoli shënoi golin vendimtar në ndeshjen kundër Parmës, duke ndihmuar Sampdorian të siguronte matematikisht qëndrimin në elitë.[26] Ai e mbylli sezonin me 6 gola në 19 ndeshje.

Më 3 shtator 2020, Bonazzoli firmosi një kontratë të re pesë-vjeçare me klubin. Pasi u aktivizua në vetëm dy ndeshje në fillimin e sezonit të ri, më 5 tetor, ai u huazua te Torino deri në fund të sezonit.[27] I Granata kishin mundësinë e blerjes përfundimtare si pjesë e marrëveshjes. Ai u ribashkua me trajnerin Marco Giampaolo, me të cilin punoi te Sampdoria në vitin 2017.[28][29] Bonazzoli shënoi golin e parë me klubin më 26 nëntor në fitoren 2–0 kundër Virtus Entellës në kupë.[30] Në Serie A, goli i tij i parë erdhi më 12 dhjetor në humbjen 3–2 në shtëpi kundër Udineses.[31][32] Megjithatë, në janar 2021 Giampaolo u shkarkua dhe u zëvendësua nga Davide Nicola, dhe hapësirat për Bonazzolin (edhe falë blerjes së Antonio Sanabrias në merkaton e dimrit) u zvogëluan.[33][34] Më 6 shkurt, ai shënoi në barazimin 3–3 kundër Atalantës, në të cilin shënoi golin e tretë të ekipit të tij, duke kompletuar rikthimin e piemontezëve që ishin në 3 gola disavantazh.[35]

Salernitana

Më 3 gusht 2021, Bonazzoli u huazua te Salernitana deri në përfundim të sezonit me mundësi blerje.[36][37] Ai shënoi dy gola në debutimin e tij me klubin në ndeshjen e raundit të 32-tave të kupës kundër Regginës.[38] Goli i tij i parë në kampionat erdhi në humbjen 3–2 në transfertë kundër Bolonjës.[39] Me vazhdimin e sezonit, Bonazzoli do të bëhej një nga lojtarët më të rëndësishëm të ekipit, duke shënuar gola vendimtar kundër ekipeve si Verona, Cagliari,[40] Genoa,[41] Napoli,[42] Milan,[43] Sassuolo, Fiorentina, Venezia[44] dhe Empoli, duke regjistruar sezonin më të mirë të karrierës së tij me 10 gola në 32 ndeshje. Më 26 korrik 2022, Salernitana bleu kartonin e tij për 5 milion €.[45][46][47]

Në sezonin 2022–23, Bonazzoli shënoi vetëm 2 gola në 24 ndeshje. Më 10 gusht 2023, ai u huazua te Verona për një sezon.[48][49] Ai debutoi me klubin nëntë ditë më vonë, duke shënuar golin e fitores kundër Empolit vetëm gjashtë minuta pasi kishte hyrë si zëvëndësues.[50] Nga nëntori e tutje, për shkak të konkurencës në rolin e tij, ai gjeti më pak hapësirë ​​në rotacionet e trajnerit Marco Baroni.[51] Bonazzoli e përfundoi sezonin me 24 ndeshje dhe 3 gola. Në fillim të qershorit, ai u njoftua se do të rikthehej te Salernitana pas përfundimit të huazimit.[52][53]

Cremonese

Më 6 gusht 2024, Bonazzoli firmosi një kontratë katër-vjeçare me Cremonesen, duke u rikthyer në Serie B pas katër sezonesh.[54][55] Ai bëri debutimin e tij me ekipin katër ditë më vonë ndeshjen e raundit të 32-tave të kupës kundër Barit; ai u aktivizua si zëvëndësues në minutën e 82të dhe shënoi penalltinë fituese në gjuajtjet e penalltive që pasuan.[56] Më 26 tetor, Bonazzoli shënoi golin e parë të sezonit në fitoren 2–1 kundër ish klubit të tij Salernitana.[57] Tre javë më vonë, ai shënoi golin e vetëm të fitoren kundër Modenës.[58][59] Ai e mbylli sezonin me 6 gola dhe kontriboi në rikthimin e Cremoneses në Serie A.

Bonazzoli e nisi sezonin e ri 2025–26 duke shënuar një gol me rrofeshatë në fitoren 2–1 kundër Milanit në transfertë në ndeshjen hapëse të kampionatit; ky ishte suksesi i parë i Cremoneses në San Siro kundër Milanit.[60][61] Më 4 tetor, ai shënoi sërisht në San Siro, këtë herë kundër Interit, por Cremonese u mposht 4–1.[62] Më 29 tetor, Bonazzoli shënoi një dygolësh, përfshirë një tjetër gol me rrofeshatë, në suksesin 2–0 kundër Genoas.[63][64] Pas kësaj, ai ishte protagonist në suksesin 2–0 kundër rivalëve për mbijetesë Lecce, duke shënuar me penallti.

Karriera ndërkombëtare

Më 21 shkurt 2012, Bonazzoli bëri debutimin e tij me ekipin nën-15 të Italisë në një miqësore të fituar 4–0 kundër Belgjikës.[65] Dy ditë më vonë, në një tjetër miqësore kundër të njëjtit kundërshtar, ai shënoi dy golat e parë me ekipin.[66] Më 5 shtator 2013, Bonazzoli luajti ndeshjen e parë me ekipin nën-16, duke shënuar gol kundër Zvicrës.[67] Po në atë vit, ai mori pjesë në UEFA Kampionatin Evropian me ekipin nën-17. Italia u mposht me penallti në finale nga Rusia.[68] Bonazzoli më pas u aktivizua me ekipet nën-18 dhe -19, duke shënuar një tregolësh në një ndeshje kundër San Marinos me këtë të fundit.[69]

Më 17 nëntor 2014, Bonazzoli luajti ndeshjen e parë me ekipin nën-21 në humbjen 1–0 në miqësoren kundër Danimarkës;[70] në moshën 17 vjeç, 5 muaj e 27 ditë, ai u bë lojtari më i ri italian që debuton në këtë kategori.[71] Rekordi i tij u thye nga portieri Gianluigi Donnarumma më 24 mars 2016, i cili debutoi në moshën 17 vjeç e 28 ditë.[72]

Më 10 tetor 2017, Bonazzoli u rikthye në ekipin nën-21 pas tre vitesh, duke zëvëndësuar Patrick Cutronen në miqësoren kundër Marokut, ndaj së cilës shënoi edhe golin e parë me ekipin nën-21.[73] Dy vite më pas, ai ishte pjesë e ekipit që mori pjesë në UEFA Kampionatin Evropian nën-21 si zëvëndësuesi i të dëmtuarit Andrea Pinamonti.[74]

Profili i lojtarit

Bonazzoli është një qëndër-sulmues tipik, aty ku dallohet për lëvizjet brënda zonës dhe instiktin për gol. Ai gjithashtu mund të luaj si sulmues i dytë.[75] Ai është një lojtar këmbë-majtë i cili zotëron një teknikë të mirë, duke shënuar në disa raste gola akrobatik. Bonazzoli është gjithashtu një lojtar shtatlartë, i cili shfrytëzon fizikun e tij në duelet ajërore dhe për mbajtjen e topit. Ai është edhe një gjuajtjës i saktë i penalltive.[75] Në fillimet e karrierës së tij, Bonazzoli u krahasua me ish sulmuesin Christian Vieri nga tifozët e Interit, të cilët vunë në dukje stilin e tyre të ngjashëm të lojës.[76]

Jeta personale

Babai i tij, Emiliano Bonazzoli, ishte gjithashtu një futbollist në rolin e sulmuesit, duke luajtur 10 sezone në Serie A me klube të ndryshme si dhe në ligat e tjera të ulta të futbollit italian.[77]

Statistikat e karrierës

Përditësuar më 10 maj 2026[78][79]
Ndeshjet dhe golat sipas klubit, sezonit dhe kompeticionit
Klubi Sezoni Liga Coppa Italia Kontinenti Tjetër Gjithsej
DivizioniNdshGolaNdshGolaNdshGolaNdshGolaNdshGola
Internazionale 2013–14 Serie A 1010––20
2014–15 Serie A 40102[a]0–70
Gjithsej 502020–90
Sampdoria 2015–16 Serie A 40102[a]0–70
2017–18 Serie A 1000––10
2019–20 Serie A 19600––196
2020–21 Serie A 20–––20
Gjithsej 2661020–296
Lanciano (huazim) 2015–16 Serie B 141––2[b]0161
Brescia (huazim) 2016–17 Serie B 25210––262
SPAL (huazim) 2017–18 Serie A 11000––110
Padova (huazim) 2018–19 Serie B 35820––378
Torino (huazim) 2020–21 Serie A 20221––223
Salernitana (huazim) 2021–22 Serie A 321012––3312
Salernitana 2022–23 Serie A 24210––252
Hellas Verona (huazim) 2023–24 Serie A 24300––243
Cremonese 2024–25 Serie B 26610–20296
2025–26 Serie A 33910––349
Gjithsej 591520–206315
Gjithsej karriera 27549123404029552
  1. 1 2 Të gjitha ndeshjet në UEFA Ligën e Evropës
  2. ↑ Të gjitha ndeshjet në fazën play-out të rënjes në Serie B

Trofe

Italia U17
  • UEFA Kampionati Evropian nën-17 finalist: 2013[80]
Çmime personale
  • Goli i Muajit në Serie A: gusht 2025[81]

Referime

  1. ↑ Alberto Armanini. "Bonazzoli, il predestinato sulle orme di Balo" (në italisht). Bresciaoggi. Arkivuar nga origjinali më 23 shtator 2015. Marrë më 18 shtator 2014.
  2. ↑ "Inter, ecco il rinforzo che non ti aspetti" (në italisht). Calciomercato.com. Marrë më 18 shtator 2014.
  3. ↑ Stefanelli, Alessandra. "Vita da Monella - L'Inter scopre Bonazzoli, l'anti-Balotelli" (në italisht). FcInterNews. Arkivuar nga origjinali më 24 shtator 2014. Marrë më 18 shtator 2014.
  4. ↑ "Pëson dy gola shqetësues, Interi kualifikohet me vuajtje". Panorama Sport. 5 dhjetor 2013. Marrë më 24 janar 2015.
  5. ↑ "Lamtumirë e hidhur për heronjtë e tripletës". Panorama Sport. Arkivuar nga origjinali më 23 maj 2014. Marrë më 20 maj 2014.
  6. ↑ "Inter's list for Europa League play-off round". inter.it (në anglisht). F.C. Internazionale Milano. Arkivuar nga origjinali më 14 gusht 2014. Marrë më 11 gusht 2014.
  7. ↑ "Dodo nderon Interin, mbrojtja çalon ende". Panorama Sport. 6 nëntor 2014. Arkivuar nga origjinali më 8 nëntor 2014. Marrë më 7 nëntor 2014.
  8. ↑ "Mercato Inter, il baby bomber Bonazzoli verso la Samp, con diritto di riacquisto" (në italisht). La Gazzetta dello Sport. 30 janar 2015.
  9. ↑ F.C. Internazionale Milano S.p.A. bilancio (raporti financiar dhe llogaritë) më 30 qershor 2015 (në italisht), PDF është blerë nga C.C.I.A.A. italiane
  10. ↑ "Federico Bonazzoli joins Inter Milan". inter.it (në anglisht). F.C. Internazionale Milano. 2 shkurt 2015. Arkivuar nga origjinali më 5 shkurt 2015. Marrë më 11 prill 2015.
  11. 1 2 Vincenzo D'Angelo (16 shkurt 2015). "Torneo di Viareggio, festa Inter davanti a Mancini: 2-1 al Verona" (në italisht). La Gazzetta dello Sport.
  12. ↑ Ma.Gu. (16 gusht 2015). "Palermo, Cassini come il nuovo Dybala. Sampdoria, Bonazzoli è pronto a stupire" (në italisht). La Gazzetta dello Sport.
  13. ↑ "Calciomercato: Arriva Bonazzoli" (në italisht). S.S. Virtus Lanciano 1924. 21 janar 2016. Arkivuar nga origjinali më 27 janar 2016. Marrë më 1 shkurt 2016.
  14. ↑ "Serie B, il Cagliari vince e allunga. Frenano Crotone e Novara, ok il Cesena" (në italisht). La Gazzetta dello Sport. 13 shkurt 2016.
  15. ↑ Roberto Guerriero (8 korrik 2016). "Serie B, la Salernitana è salva: 1-0 al Lanciano, che va in Lega Pro" (në italisht). La Gazzetta dello Sport.
  16. ↑ "Brescia, UFFICIALE: preso Bonazzoli" (në italisht). CalcioMercato.it. 22 korrik 2016. Marrë më 23 korrik 2016.
  17. ↑ "Spal, dopo Borriello ecco Bonazzoli: arriva in prestito dalla Sampdoria" (në italisht). La Gazzetta dello Sport. 22 gusht 2017.
  18. ↑ Paolo Priolo (19 maj 2018). "Bonazzoli, i minuti non contano: Di Biagio lo chiama in U21" (në italisht). Sampnews24.com.
  19. ↑ Paolo Priolo (14 korrik 2018). "Bonazzoli: «Volevo una società che mi desse fiducia». È ufficiale" (në italisht). Sampnews24.com.
  20. ↑ "Bonazzoli non basta: Fiorentina batte Sampdoria 2-1. I tweet e la cronaca" (në italisht). Il Secolo XIX. 25 shtator 2019. Marrë më 16 korrik 2020.
  21. ↑ "Samp impantanata: il Bologna passa con Barrow-Orsolini" (në italisht). La Gazzetta dello Sport. Marrë më 16 korrik 2020.
  22. ↑ Serie A (12 korrik 2020). "Udinese 1-3 Sampdoria | La Samp ribalta l'Udinese | Serie A TIM" (në italisht). Marrë më 16 korrik 2020.
  23. ↑ "Samp, rovesciata l'Udinese con l'acrobazia di Bonazzoli (1-3). E salto in alto per la salvezza" (në italisht). Il Secolo XIX. 13 korrik 2020. Marrë më 16 korrik 2020.
  24. ↑ "Serie A, la Sampdoria batte il Cagliari, la Fiorentina passa a Lecce" (në italisht). Sport Mediaset. Marrë më 16 korrik 2020.
  25. ↑ "Pum Pum Bonazzoli: «Un'altra serata che non si può dimenticare: doppietta e punti»" (në italisht). U.C. Sampdoria. 15 korrik 2020. Marrë më 16 korrik 2020.
  26. ↑ "Parma-Sampdoria 2-3, i doriani la ribaltano da 0-2: e Ranieri chiude il discorso salvezza" (në italisht). La Repubblica. 19 korrik 2020. Marrë më 13 dhjetor 2020.
  27. ↑ "UFFICIALE: il Torino ha un nuovo attaccante, dalla Samp arriva Federico Bonazzoli" (në italisht). Tuttomercatoweb.com. 3 shtator 2020.
  28. ↑ "Bonazzoli si trasferisce al Torino" (në italisht). U.C. Sampdoria. 5 tetor 2020. Marrë më 6 tetor 2020.
  29. ↑ "Bonazzoli al Toro" (në italisht). Torino F.C. Marrë më 5 tetor 2020.
  30. ↑ "Coppa Italia, Torino-Entella 2-0: gol di Zaza e Bonazzoli" (në italisht). La Gazzetta dello Sport. Marrë më 29 nëntor 2020.
  31. ↑ Alessio Eremita (12 dhjetor 2020). "Torino, primo gol in Serie A per Bonazzoli: il riscatto è ancora lontano" (në italisht). Sampnews24.com. Marrë më 13 dhjetor 2020.
  32. ↑ "Torino-Udinese 2-3: Pussetto, De Paul, Belotti, Bonazzoli e Nestorovski" (në italisht). La Gazzetta dello Sport. Marrë më 13 dhjetor 2020.
  33. ↑ Federico Nardi (21 prill 2021). "Torino, Nicola si pente: «Sono dispiaciuto per Bonazzoli»" (në italisht). Sampnews24.com. Marrë më 3 gusht 2021.
  34. ↑ "Sanabria-Belotti-Zaza: l'equilibrio perfetto (che esclude Bonazzoli)" (në italisht). Toro.it. 23 prill 2021. Marrë më 3 gusht 2021.
  35. ↑ "Atalanta-Torino 3-3: i nerazzurri durano mezz'ora, Bonazzoli firma la tripla rimonta granata" (në italisht). La Repubblica. 6 shkurt 2021. Marrë më 3 gusht 2021.
  36. ↑ "Federico Bonazzoli è un giocatore della Salernitana" (në italisht). U.S. Salernitana 1919. Marrë më 3 gusht 2021.
  37. ↑ "Bonazzoli ceduto alla Salernitana a titolo temporaneo" (në italisht). U.C. Sampdoria. 3 gusht 2021. Marrë më 3 gusht 2021.
  38. ↑ "Salernitana – Reggina 2 – 0: Il Tabellino" (në italisht). U.S. Salernitana 1919. Marrë më 23 gusht 2021.
  39. ↑ "Calcio, Serie A 2020-2021 - Le pagelle di Bologna-Salernitana 3-2: Orsolini e Sansone geniali. Sorpresa Kechrida" (në italisht). Eurosport. 22 gusht 2021. Marrë më 23 gusht 2021.
  40. ↑ "Bonazzoli al 90' risponde a Pavoletti: il pari non risolve i guai di Cagliari e Salernitana" (në italisht). La Gazzetta dello Sport. 26 nëntor 2021. Marrë më 6 gusht 2024.
  41. ↑ "Tra Genoa e Salernitana un pari che scontenta tutti" (në italisht). La Gazzetta dello Sport. 13 shkurt 2022. Marrë më 6 gusht 2024.
  42. ↑ "Napoli-Salernitana 4-1: il derby è azzurro, Insigne raggiunge Maradona" (në italisht). La Repubblica. 23 janar 2022. Marrë më 6 gusht 2024.
  43. ↑ "Salernitana-Milan 2-2: Bonazzoli e Djuric frenano Pioli" (në italisht). Tuttosport. 19 shkurt 2022. Marrë më 6 gusht 2024.
  44. ↑ "Venezia-Salernitana 1-2: Schiavone al 95' regala tre punti a Colantuono" (në italisht). Corriere dello Sport. 26 gusht 2021. Marrë më 28 tetor 2024.
  45. ↑ Federico Berlingheri (26 korrik 2022). "Bonazzoli ceduto alla Salernitana a titolo definitivo" (në italisht). U.C. Sampdoria. Marrë më 27 korrik 2022.
  46. ↑ "Federico Bonazzoli è un nuovo giocatore della Salernitana" (në italisht). U.S. Salernitana 1919. 26 korrik 2022. Marrë më 26 korrik 2022.
  47. ↑ "Salernitana, è fatta per il ritorno di Bonazzoli. Non si mollano Piatek e Maupay" (në italisht). Gianluca Di Marzio. Marrë më 26 korrik 2022.
  48. ↑ "Federico Bonazzoli al Verona a titolo temporaneo" (në italisht). U.S. Salernitana. 10 gusht 2023. Arkivuar nga origjinali më 12 gusht 2023. Marrë më 12 gusht 2023.
  49. ↑ "Federico Bonazzoli è un nuovo attaccante dell'Hellas Verona" (në italisht). Hellas Verona F.C. Marrë më 10 gusht 2023.
  50. ↑ "Bonazzoli entra e dopo 6' segna al debutto: il Verona sbanca Empoli" (në italisht). La Gazzetta dello Sport. 19 gusht 2023. Marrë më 20 gusht 2025.
  51. ↑ "Bonazzoli, attesa e resurrezione. Sarà lui il bomber salvezza?" (në italisht). Larena.it. 4 prill 2024. Marrë më 6 gusht 2024.
  52. ↑ "Salernitana, rientra alla base Bonazzoli: per lui o rinnovo o prestito definitivo" (në italisht). Salerno Notizie. 4 qershor 2024. Marrë më 4 qershor 2024.
  53. ↑ "Salernitana: prestito o cessione definitiva, quale futuro per Bonazzoli?" (në italisht). Tutto Salernitana. Marrë më 4 qershor 2024.
  54. ↑ "Federico Bonazzoli nuovo giocatore della Cremonese" (në italisht). U.S. Cremonese. Marrë më 6 gusht 2024.
  55. ↑ "Federico Bonazzoli alla Cremonese a titolo definitivo" (në italisht). U.S. Salernitana. 6 gusht 2024. Arkivuar nga origjinali më 6 gusht 2024. Marrë më 6 gusht 2024.
  56. ↑ "Cremonese - Bari (1-1) Coppa Italia 2024" (në italisht). La Repubblica. Marrë më 13 gusht 2024.
  57. ↑ "La Cremo ha la meglio sulla Salernitana: 2-1 allo Zini – US Cremonese" (në italisht). U.S. Cremonese. Marrë më 26 tetor 2024.
  58. ↑ "Modena-Cremonese 2-2: un punto a testa al Braglia" (në italisht). Modena F.C. 29 tetor 2024. Marrë më 17 dhjetor 2024.
  59. ↑ "Cremo, pareggio al Braglia: 2-2 con il Modena – US Cremonese" (në italisht). U.S. Cremonese. Marrë më 17 dhjetor 2024.
  60. ↑ "Bonazzoli l'ha rifatto: altra rovesciata al Milan". sport.sky.it (në italisht). Sky Sport. 24 gusht 2025. Marrë më 24 gusht 2025.
  61. ↑ "Meraviglia di Bonazzoli, il ritorno di Allegri è un incubo: la Cremonese batte il Milan a San Siro!" (në italisht). La Gazzetta dello Sport. Marrë më 24 gusht 2025.
  62. ↑ "Inter - US Cremonese, 04/10/2025 - Serie A - Cronaca della partita" (në italisht). Transfermarkt. Marrë më 5 janar 2026.
  63. ↑ "Super Bonazzoli, la Cremonese non si ferma più. Notte fonda per il Genoa" (në italisht). La Gazzetta dello Sport. 29 tetor 2025. Marrë më 5 janar 2026.
  64. ↑ T. G. R. Lombardia (29 tetor 2025). "Genoa-Cremonese 0 a 2, Bonazzoli fa sognare i grigiorossi" (në italisht). RaiNews. Marrë më 5 janar 2026.
  65. ↑ "AMICHEVOLE Belgio-Italia 0-4 (Under 15)" (në italisht). Tutto Nazionali. 21 shkurt 2012.
  66. ↑ "Taccuino" (në italisht). La Gazzetta dello Sport. 24 shkurt 2012.
  67. ↑ Andrea Platania (5 shtator 2012). "Sconfitta per 3-1 nel primo test con la Svizzera" (në italisht). Tutto Nazionali.
  68. ↑ "Italia U17, il sogno finisce ai rigori: Russia campione d'Europa" (në italisht). La Repubblica. 17 maj 2013.
  69. ↑ Vincenzo D'Angelo (13 tetor 2014). "Che Bonazzoli Tre gol nel 6-0 al San Marino" (në italisht). La Gazzetta dello Sport.
  70. ↑ "Italia U21 - Danimarca U21, 17/nov/2014 - Nazionale - Cronaca della partita" (në italisht). Transfermarkt. 17 nëntor 2014. Marrë më 21 nëntor 2014.
  71. ↑ "Bonazzoli, il più giovane esordiente di sempre" (në italisht). Rai Sport. Marrë më 21 nëntor 2014.
  72. ↑ "Under 21: Italia travolgente, 4-1 all'Irlanda" (në italisht). Sport Mediaset. Marrë më 24 mars 2016.
  73. ↑ Vincenzo D'Angelo (10 tetor 2017). "Under 21, Italia-Marocco 4-0: Cutrone segna ancora" (në italisht). La Gazzetta dello Sport.
  74. ↑ "Italia Under 21, Pinamonti infortunato: salta gli Europei, convocato Bonazzoli" (në italisht). Goal.com. Marrë më 15 qershor 2019.
  75. 1 2 "Raspadori e Bonazzoli: i bomber LGI subito in goal" (në italisht). La Giovane Italia. 27 gusht 2021. Arkivuar nga origjinali më 27 qershor 2022. Marrë më 31 gusht 2021.
  76. ↑ "FEDERICO BONAZZOLI – PLAYER PROFILE". inter1908blog.com (në anglisht). Arkivuar nga origjinali më 4 nëntor 2014. Marrë më 3 nëntor 2014.
  77. ↑ "Emiliano Bonazzoli" (në anglisht). Transfermarkt. Arkivuar nga origjinali më 24 janar 2025. Marrë më 19 maj 2026.
  78. ↑ Federico Bonazzoli në Soccerway. Marrë më 19 shkurt 2022.
  79. ↑ "Federico Bonazzoli". inter.it (në anglisht). F.C. Internazionale Milano. Arkivuar nga origjinali më 12 shkurt 2015. Marrë më 9 shkurt 2015.
  80. ↑ "Italy-Russia | Under-17" (në anglisht). UEFA. Marrë më 19 maj 2026.
  81. ↑ "The iliad Goal Of The Month award for August" (në anglisht). Serie A. 10 shtator 2025. Marrë më 10 shtator 2025.

Lidhje të jashtme

Ky artikull është botuar nga Wikipedia. Teksti licencohet sipar Creative Commons Attribution-Share Alike 4.0. Mbi kartelat media mund të ketë kushte shtesë.